رجع يسأل عن أخباري بعد غيبة سنه وشهرين
رجع شايل وجع صدره وقال أرجوك واسيني
رجع كنه يحسبني سعيد بدنيتي أو زين
أوهو ما يدري الدمعة لو تراخت تسليني
دمع هالوجه .. كنه جمع في غيبته جرحين
و أنا عيني بدت تدمع على حزنه وتبكيني..
يقول الدنيا خانتني وبعدك يا صقر سكين
و لا أحدن يا صقر غيرك يقدرني ويراعيني
حبيبي ضقت بغيابك حبيبي حيل أنا مسكين
و أنا جيتك بهاليله و تكفى لا تخليني
و أنا.. لامن نطق تكفى عطيته لو طلب هلعين
و أجود بكل ما يملك خفوقي وتملك أيديني
وقلت: ابشر ولا يهمك تدلل وش تبي يا زين
تراني فدوه عيونك لو أنك جيت تشقيني
حبيبي لو تبي ألقمره عطيتك فوقها ثنتين
بعد لو تطلب النجمة أبنطق جيتك أضو يني
بعد هذا ضحك و..بعثرت همومه سلهم الرمشين
وقال: الله يا الطيب وأنا ظنيت ناسيني
صراحة..حيل تحرجني يا طيب يا أطيب الغاليين
و لا ادري كيف بوفيلك حبيبي وأنت تعطيني
بعد هذا تسامرنا وتواعدنا بعد يومين
وصيته على قلبي وهو مثلي يوصيني
تواعدنا على الجمعة ولا جاني إلى الاثنين
ومر أسبوع والثاني وشوقي يشتعل فيني
تصدق عاد يا سامع!! ولا جاني الين الحين
وقبل تسأل عن أسبابه بجاوب وأنت واسيني
لأنه مات في حادث و أنا مت بغيابه لين
عرفت إني كذا ببقي ولا أحد يقوى يحييني
موضوع: رجع يسأل 
الجمعة مارس 19, 2010 2:14 am
